മലയാളത്തില്‍ ഡാറ്റാ ജേര്‍ണലിസമില്ലേ ?
കേരളത്തിൽ എന്തിനെക്കുറിച്ചും സർക്കാർ തലത്തിൽ തന്നെ വിവിധതരം സ്ഥിതിവിവരക്കണക്കുകള്‍ (Data) ലഭ്യമാണ്. പക്ഷെ എന്തുകൊണ്ടാണ് അവയെ ആധാരമാക്കിയുള്ള വാര്‍ത്തകളും വിശകലനങ്ങളും ഉണ്ടാകാത്തത് ? മുംബൈയിൽ ഹിന്ദുസ്ഥാന്‍ ടൈംസിലെ ഡാറ്റാ ജേണലിസ്റ്റായ ശ്രീദേവ് കൃഷ്ണകുമാറാണ് ഈ ചോദ്യം ഉന്നയിക്കുന്നത്. മലപ്പുറം വാഴയൂരിലെ സാഫി കോളേജില്‍ ഒ ബി സി സംഘടിപ്പിച്ച ഏകദിന ശില്പ‍ശാലയിലാണ് ഈ വിഷയം വിശദമായി ചര്‍ച്ച ചെയ്യപ്പെട്ടത്. ഒരു പഠന ശാഖ എന്ന നിലയില്‍ ഡാറ്റാജേർണലിസം കേരളത്തിലെ എത്ര കോളേജുകളിൽ പഠിപ്പിക്കുന്നുണ്ട് എന്ന ചോദ്യവും ഇതോടൊപ്പം ഉന്നയിക്കപ്പെട്ടു.
ഒരു ആധികാരിക പഠനറിപ്പോര്‍ട്ടോ അതിലുള്‍പ്പെടുന്ന കണക്കുകളോ വാര്‍ത്തയാക്കി മാറ്റുന്നതെങ്ങനെ?
ഇതിനായി സങ്കീർണമായ വിവരങ്ങൾ അടങ്ങിയ പട്ടികകൾ എങ്ങനെ ലളിതമായി അവതരിപ്പിക്കാം?
എന്തെല്ലാം ഉപാധികളും ഉപകരണങ്ങളും ഇതിനായി ഉപയോഗിക്കാം?
മൈക്രോസോഫ്റ്റ് എക്സൽ ഷീറ്റുകൾ മുതൽ ആർട്ടിഫിഷ്യൽ ഇന്റലിജൻസ് വരെ എങ്ങനെ ഒരു ഡാറ്റ റിപ്പോര്‍ട്ടില്‍ പ്രയോഗിക്കാം?
ഇക്കാര്യങ്ങളെല്ലാം വിശദമായി പ്രതിപാദിക്കാന്‍ കഴിഞ്ഞുവെന്നതാണ്
സാഫി കോളേജിൽ നടന്ന പരിശീലന പരിപാടിയുടെ വിജയം.
